Lemongrass (已結業)

本身好少黎奥海城，今日咁岩经过就揾下有咩好野食，不过好多餐厅都系其他商场常常出现既，见呢间lemongrass门面几靓又少见，一于就入去试下。呢间系食泰菜既，门口都摆左好多泰式零食饮品玩具摆设等等，尝试制造泰式风情。首先叫左个沙律，青木瓜酸酸辣辣好惹味，个汁仲落左虾皮，令味道更丰富层次更多；凤爪都唔少，捞埋落青木瓜个汁就变得好好食，松软爽口。之后有谂过点冬荫公，不过见到呢个冬荫煮花螺，就即刻叫左了。其实佢唔算好冬荫，反而似泰式酸辣酱，个底系浓稠既，酸酸甜甜既，几好味。值得一提既系佢既花螺真系太多，食到手软！黎食泰菜点可以唔食咖哩，叫左呢个玛沙曼咖哩加松饼。咖哩唔辣，甜甜的，配菜有洋葱蕃茄等，牛腩都唔少，切得细件食落好方便。当然配埋松饼啦，佢真心松同酥，热辣辣上枱好好味，一啖接一啖根本停唔到口，仲encore 左一碟，为全晚高潮。另外推介呢度既蟹，半价呀！睇落都好好食，亦得店员热烈推介，不过同行友人唔食蟹，今次就无叫啰。