Point Pie (已結業)

前几日，女朋友生日上网找了间有情调的餐厅庆祝。见到有间合心水的餐厅在跑马地。所以，及时打电话去定位。当晚去到情调ok。座低后有个人招呼，介绍咗D法国、澳洲同美国的生蚝。我就不钟意食生冷嘢，但我女朋友就非常钟意食，所以就叫咗一打生蚝。D名就不记得咗，因为太多款式了。 最后 女朋友话法国蚝仲好食 , 唔记得左个名了 ! 但个待应话系用黎进供比皇室食用添 !我就见到一只好像金华火腿的东西，我就问侍应系咩嘢。原来系西班牙火腿仲风干咗36个月，之后就叫咗2个龙虾汤。大盘就叫咗一个厨师推介的烟肉带子卷，另一个就系黑豚猪扒。 最深记忆就系个黑豚猪扒 , 因为个待应话只猪自细都系用绿茶同埋蕃薯既饲料 ! 好有趣 !最后，甜品叫咗一个三角形的朱古力。呢个蛋糕睇左咁多个食评都话系最好食既 ! 果然冇赞错 ! 五层唔同既朱古力味 ! 最开心的系餐厅的厨师仲帮我准备咗蜡烛，仲用朱古力酱在碟上写上我女朋友的名。总结：食物同服务都不错，最惊喜就系帮我写上Happy Birthday 的字句。