茶王冰室 (洗衣街) (已結業)

奶茶就周围都有得饮 但今日我去咗旺角呢一间茶王冰室 佢哋听个名就知系专做奶茶既冰室啦 我去到当然系试下佢哋嘅招牌茶王之王啦 虽然佢系$88一杯 但系我试完觉得物超所值 嚟到嘅时候佢有两杯奶茶 一杯系细嘅 佢系丝袜奶茶 另一杯呢就系茶王之王奶茶 饮既时候系先饮咗第一杯先 跟住有杯清水去俾你清一清口里面嘅味道再饮果杯茶王之王 佢系用左六种茶叶去冲嘅 所以佢哋嘅茶味道非常之浓郁 饮落去系饮到有回甘既味道 好正👍🏻😋跟住我哋另外再加一杯冻奶茶 我觉得其实都好好饮 佢奶味都好重如果平时饮奶茶觉得苦嘅朋友 呢一杯就啱晒你啦 另外我哋仲叫咗两样嘢食 叫咗个叉烧滑蛋饭同埋沙嗲蛋包包 佢个叉烧饭非常之好食 啲滑蛋炒得好滑 然后𠮶啲叉烧肥瘦啱啱好 一啲都唔干 如果你加埋黑椒一齐食嘅话 味道就更上一层楼另外佢个沙嗲蛋包包都好好食 啲蛋都非常之滑 然后切开里面系一层面包 包住里面啲沙嗲牛肉 呢个做法非常之特别 喺出面我都冇见过 所以我觉得黎到朋友都值得一试😉