影片
更多
2015-09-18
215 浏览
都好耐无黎喇，照旧食 HKD44 蚊特大杂锦煳辣扭纹红薯粉啦，钟意佢够咽韧。侍应姐姐清一色系北方人，操唔流利乡音广东话，系谭仔特色？服务一般。由细到大我都对云南米线麻麻地，每次都系因为大伙人想食，我又无咩所谓咁啰。依家见到日日都大排长龙，好似唔洗钱派米咁，我真系要一探究竟，点可以客似云来。食后感不过不失，以前层经好食过。虽然依家味道又唔出众、服务又唔系特别好，但口味大众化，价钱便宜大大碗，明白晒，抵食夹大件。木耳猪润米线酸辣汤底，阿姐话只有麻辣有大中小辣拣，但我记得唔系架㖞 ﹗酸辣汤劲酸㖞，酸到绉眉头，辣就唔太辣。猪润又鞋又干又硬，您识煮唔识煮架，救命﹗木耳无咩特别，爽脆捞埋配菜一大堆。劲生既芽菜，就咁洒系表，好怕阵腥味，全部比晒朋友仔食。米线免免强强接受，太腍了吧。 特大杂锦过桥扭纹红薯粉煳辣汤底全走，HKD44 蚊两个人份量，好平好抵食，睇一睇薯粉比以前少左好多，成碗归我一个人，劲满足。我明明记得可以拣辣度架㖞，有相为证，以前食大辣既汤底非常浓郁又劲辣劲香架﹗依家水汪汪，味道唔够香唔够辣﹗十多款食材没有任何惊喜，不过不失。薯粉晶莹剔透、咽咽韧韧又够滑溜，但个汤底唔得，影响晒﹗只有肉
都好耐无黎喇，照旧食 HKD44 蚊特大杂锦煳辣扭纹红薯粉啦，钟意佢够咽韧。侍应姐姐清一色系北方人，操唔流利乡音广东话，系谭仔特色？服务一般。由细到大我都对云南米线麻麻地，每次都系因为大伙人想食，我又无咩所谓咁啰。依家见到日日都大排长龙，好似唔洗钱派米咁，我真系要一探究竟，点可以客似云来。食后感不过不失，以前层经好食过。虽然依家味道又唔出众、服务又唔系特别好，但口味大众化，价钱便宜大大碗，明白晒，抵食夹大件。
木耳猪润米线酸辣汤底，阿姐话只有麻辣有大中小辣拣，但我记得唔系架㖞 ﹗酸辣汤劲酸㖞，酸到绉眉头，辣就唔太辣。猪润又鞋又干又硬，您识煮唔识煮架，救命﹗木耳无咩特别，爽脆捞埋配菜一大堆。劲生既芽菜，就咁洒系表，好怕阵腥味，全部比晒朋友仔食。米线免免强强接受，太腍了吧。
特大杂锦过桥扭纹红薯粉煳辣汤底全走，HKD44 蚊两个人份量，好平好抵食，睇一睇薯粉比以前少左好多，成碗归我一个人，劲满足。我明明记得可以拣辣度架㖞，有相为证，以前食大辣既汤底非常浓郁又劲辣劲香架﹗依家水汪汪，味道唔够香唔够辣﹗
十多款食材没有任何惊喜，不过不失。薯粉晶莹剔透、咽咽韧韧又够滑溜，但个汤底唔得，影响晒﹗只有肉酱最好食，无变 ﹗可能系最后一次帮衬喇，以前都麻麻，今日更差﹗除价钱平又够大碗外，真系无咩吸引﹗
张贴
