興記菜館

营业中

休息中

去完日营之后，有同学介绍呢度既煲仔饭几好食。我当然唔会错过啦，本来想去四季，不过等既人实在太多。所以就过左黎兴记。其实，除左煲仔饭。仲有好多野食，都系排哂长龙。得闲可以过黎试下。煎蚝饼由于我地既胃纳量都唔错，所以就叫左个大蚝饼。其实，都几好食既。我觉得蚝好食过蛋，蚝既份量都算几多。而且都几好味，唔错既。不过个蛋就差啦，唔够蛋香。但整体上都ok既。窝蛋牛肉饭生蛋仲要加两蚊，就咁睇好似几好食。但我觉得好食，牛肉真系几好食，又唔会太韧。都算几松化可口，而个饭就一般啦。虽然可以做到一粒粒晶莹通透既效果，但呢度已经令我扣左唔少既分数。好彩，都仲有我期待左成日既饭焦。真系好正呀，食煲仔饭最滋味既始终都系饭焦。无饭焦就等于无食过煲仔饭一样。见系有饭焦，先至俾OK。其实间野真系几多人，等蚝饼预3个字到。煲仔饭就大约半个钟，有时间既，真系好想见识四季既威力。