穴蔵 (已搬遷) 新店位置

今日本身去大喜屋食 . 点知冇得食 . 因为有好多人订左位 . 连位都冇得等 . 跟住盲无目的就拣左呢间 . 首先唔驶等位 . 即刻入座 . 入到去冇咩人 . 招呼亦几好唔错 . 因为待应同我地倒埋豉油 . 我就咁试了豉油 . 豉油经调较过 . 有正宗日本料理风格 . 唔似其他料理店D豉油好咸 . 首先食既系黄瓜小卷 . 黄瓜清甜爽脆 . 跟住食加洲反卷 . 清新好味 . 食完两样就知用料新鲜 . 寿司饭唔会太酸 . 唔会抢左饭本身既甜味 . 亦唔会一夹就散 . 跟住食灸烧和牛寿司 . 和牛入口即融 . 跟住食油甘鱼寿司 . 甜味十足 . 跟住食葱吞拿卷 . 京葱同吞拿比例合恰到好处 . 唔会互相抢左大家既味道 . 同时吞拿新鲜 . 跟住食灸烧三文鱼 . 比起其他店既灸烧三文鱼黎讲 . 它带点甜鲜 . 同时亦没有烧得太焦 . 跟住食龙虾沙律 . 清甜好味 . 龙虾同沙律酱比例恰到好处 . 唔知沙律酱系唔系自己调制 . 比起其他店黎讲 . 它不会太咸同腻 . 虽系今餐系贵同唔饱 . 但系好味 . 唯一唔好既野就系漏单 . 下次出街食做定几手准备 . 唔洗到时盲无目的