影片
更多
2022-08-19
92 浏览
我个 "亲爱的" 生日，梗系揾间好野齐齐叹下啦 ! 话哂飞唔到咪豪D啰 ~~ 我地准时7点到达，今晚除左我地2个，师傅要等埋其他客人一齐开始，Omakase 一齐上一齐食。等既期间，侍应妹妹真系劲 Nice ~ 首先会问下我地有冇咩唔食，我地答佢冇野唔食，佢话实在太好喇 !! 有人答佢唔食牛...又有人答佢唔食鸡，但明明呢间铺系专门店，可以整咩野呢D人食呢 ... 其实佢系咪黎饮下酒架咋 ? 我要同我既 "亲爱的" 讲 Sorry ... 姐今晚饮唔到酒。YEAH ~ 齐人喇 !! 师傅开始喇 ~~ 首先系冷钵 Chilled shabu-shabu, Tosa vinegar, Sprinkle Karasumi入面有粉红色既和牛，睇住师傅系你面前低温处理煮熟，口感好软滑，入面仲有日本蕃茄、翠玉瓜同埋秋葵，食果阵捞埋土佐醋啫喱同底下既山芋泥，面仲有乌鱼籽干即刻磨出黎既碎，完全系开左个胃。我地以为呢个牛味应该唔会太重，因为睇到佢既油花都好足，但估唔到都好重牛味。再黎就系 座付 Beef tongue soup, Water Shield, Yuzu只金碗好靓，入面既清汤唔好以为佢系鲣鱼
Omakase 一齐上一齐食。等既期间，侍应妹妹真系劲 Nice ~ 首先会问下我地有冇咩唔食，我地答佢冇野唔食，佢话实在太好喇 !! 有人答佢唔食牛...又有人答佢唔食鸡，但明明呢间铺系专门店，可以整咩野呢D人食呢 ... 其实佢系咪黎饮下酒架咋 ?
我要同我既 "亲爱的" 讲 Sorry ... 姐今晚饮唔到酒。
YEAH ~ 齐人喇 !! 师傅开始喇 ~~
首先系冷钵 Chilled shabu-shabu, Tosa vinegar, Sprinkle Karasumi入面有粉红色既和牛，睇住师傅系你面前低温处理煮熟，口感好软滑，入面仲有日本蕃茄、翠玉瓜同埋秋葵，食果阵捞埋土佐醋啫喱同底下既山芋泥，面仲有乌鱼籽干即刻磨出黎既碎，完全系开左个胃。
我地以为呢个牛味应该唔会太重，因为睇到佢既油花都好足，但估唔到都好重牛味。
再黎就系 座付 Beef tongue soup, Water Shield, Yuzu只金碗好靓，入面既清汤唔好以为佢系鲣鱼汤类既清汤，佢入面除左用牛煲左3个钟既汤，仲有混合埋隔离店用鹿儿岛的走地鸡煲左6个钟既汤而成，见到佢个汤咁清，都真系好佩服日本人做怀石料理既精神。因为依家日本出口唔到牛内脏，所以呢汤用澳洲既，但估唔到呢条脷好淋好滑，牛脷下面仲有件冬瓜，加埋柚子皮既香味，好清新。
之后系 凌ぎ Today's beef sushi
呢件系今日师傅推介既和牛寿司，位置应该会系大概 PAT PAT 位既肉，面磨左D炭既乌鱼籽碎上面，冇 Sauce 去食呢件寿司，入口虽然都有D咬口，但几下之后就好似溶化左。
到向付 Beef Tartar, Imperial Seaweed, Pickles, Caviar, Sea Urchin呢个牛他他入面有洋葱同埋酸瓜，入口好清新，个牛肉第一啖入口好重牛味，之后开始觉得有筋，但又系咬左两下之后，就好似化开，我地觉得应该系师傅有切开D筋，令到你食既时候除左有咬口外，但有化开既效果。
第2啖佢叫我地混口哂所有野一齐食，用块紫菜天妇罗黎当匙庚咁食，我觉得紫菜实在太浓味，盖过左本来的食材味道，两样野独立食开心好多。
再黎就系我地一入座，就闻到劲香既 sukiyaki温物 Sukiyaki, Soft boiled egg
呢个我地都真系好期待，每次去日本...呢个我地都唔会选黎试，原因系个汁好多朋友都同我讲好漏，所以每次都放弃左呢个。今日系呢道试过，我谂我爱上，师傅既调味浓得黎唔会死甜。
首先师傅煮之前俾我地影下咁靓既和牛片，都真系食欲大增呀 ~ 入面仲有松茸，都真系要好好品尝一下。睇住师傅整又真系一个吸引之处黎，临上枱之前会叫我地等佢一下，佢会再刨D新鲜既黑松露上面，呢D Moment 梗系拍片啦。
碗入面有3层，第一层师傅要我地以牛包煮左好耐既洋葱一齐进食，哗 ~ 痴线 ! 好幸福呀 ~ 再黎就系混合下蛋汁加饭同埋师傅既秘制酱汁一齐食，都真系唔舍得食最后一口吞落去。
其实之前侍应妹妹仲教我地匙庾除左以右手拎住黎食之外，佢话师傅仲担心大家觉得个汁太浓味，你都可以系个碗既好似漏斗既位置倒少少汁液捞饭，驶唔驶咁贴心呀 !!!!!
箸休 Sweet Green Plum其实食到黎呢道，都真系有D漏，呢个时间出动青梅系好岩，梅系由甜水腌渍，味道唔会好酸。师傅加左D用梅汁做既糖水落个冰道，呢个就太淡身，食唔出有梅味，但粒梅都真系有消滞既作用。
凌ぎ Today's beef sushi食完粒梅，清左个味蕾，再黎既都系和牛寿司，呢个系肉眼部分，面配以苹果红酒汁，唔会太浓，配呢个汁几清爽。
强肴 Sirloin Cutlet Sandwich呢个我地一路睇住师傅整，一路见佢切头切尾，好想同佢讲留番俾我地食。笑死人 ~
多士入面既系吉列牛，佢底下既酱系黑松露整既，而面配料分别一件系鱼籽酱，另一件系海胆。师傅有建议可以一口食，会多D唔同层次既味道。但我呢D粗人，我净系食到幸福味 ~ 我比较钟意鱼籽酱既配搭。
替钵 Chateaubriand special sauce师傅又叫我地等阵喇 ~~ 哈哈 ! 呢个原来入面有D烟薰，哗 ~~ 劲香 ! 个木味好吸引 ~
一打开木既烟熏味飘出黎，牛系菲力黎，好软淋，底下既系茄子，仲有一旧假既茄子鱼糕，好味 ! 底下红酒既酱汁又系劲香，唔错 ~
烧物 Grilled sirloin with seasonal vegetables呢道菜，师傅系用备长炭烧，个炉正正系我面前。炭烧和牛肉劲 Juice，仲可以选合银碟上两款调味，我个人觉得配柚子醋好味，Washibi 抢左牛味，但佢个辣又唔会抢到喉。另外蒜片同炸牛蒡丝冇得顶呀 !! 劲脆 ~ 好似食紧薯片小食咁，个粟米芯甜到呢 ~ 个水杨梅我放到最尾，我觉得应该可以解到我既滞，我以为佢酸啦，点知又系超甜。
到最后一道 食事 Chilled Noodle, tail gelee师傅呢个素面整到好精致，个面佢系绑好一扎扎去煮，再切走左部份。酱汁既部份用花生、樱花虾干同埋三文鱼子去做配料，我地系道笑话呢道菜好似口水鸡。仲有伴面既牛肉，好搅笑 ! 侍应妹妹话佢先唔开估，佢地自己都有食过，呢个味你一食落去会觉得好熟识。
劲好笑呀 !!!! 姜蓉黎架，食落去都唔似牛呀，好似鸡呀个口感，好得意 ~
最尾黎到 水菓子 Monaka Icecream, Ushidoki Special Pudding花形既威化饼好松脆，夹住Wisky 味雪糕有淡淡酒味，但我接受到，同埋佢话冇酒精我应该OK，饼皮入面仲有红豆蓉好夹。另外蛋布甸劲滑，又唔会太甜，唔错！
题外话/补充资料：
虽然呢间店系黎自新加坡，但全店既人讲日文都真系好似置身系日本，今晚好 Enjoy ~
(以上食记乃用户个人意见 , 并不代表OpenRice之观点。)
张贴
