築地GINDACO (已結業)

今日由于赶住睇戏，唔够时间坐低食野，所以系戏院附近买左盒小丸子食顶下肚。黎到既时候都有唔少人排队，不过好彩好快就轮到我啦。发现原来佢已经有一堆堆小丸子整定，感觉好似摆左一段时间咁。我买左 4 粒正宗既小丸子，索价 $18，当然唔算平，佢问我要唔要沙律酱，我话要，不过佢都系俾左好少我。正如我所讲，小丸子可能摆左一段时间，所以放入口完全唔惊热，个表面好鬼冻，完全无热辣辣的感觉，而且感觉好似干左少少。入面d章鱼都算大粒，而且弹牙。不过但系酱汁真系好少，无论系沙律酱定系佢原先既酱汁都好少，所以感觉争d，唔够味。我谂如果佢系热辣辣会好食好多，基本上我一向都系帮衬开日之船，食完呢次后都依然系觉得日之船好食D。