拉麵台風 (已搬遷) 新店位置

呢间拉面店开咗好耐，好多年前食过一次。今日中午12点路过，见唔使排队，咁就入去坐低，睇吓现今水准如何。叫咗鱼介猪骨汤拉面，本来已经几大碗，我再另加面同埋叉烧，希望嚟个大满足😅拉面好快嚟到，真正大碗！卖相非常一般，叉烧颜色灰白，睇落干争争冻冰冰。先饮一啖汤，味道确系浓，不过唔系话好好味嘅浓，而系好thick。食一啖叉烧，果然系一啲都唔热，比较硬，不过有猪肉味，将叉烧浸入汤里面热一热就稍为好啲。面比较硬身，啱我胃口，呢点做得好。总体来讲味道系一般，不过份量真系相当大，食得好饱，兼且佢好似几年都冇加过价。