Daap

营业中

休息中

约左朋友系中环食lunch, 行过后巷见到呢间西餐厅门口相当精致，于是就走入黎试菜。佢哋既午餐set 都相当丰富下，有appetiser 同 main dish , 加$25还有一杯饮品，我同朋友都试左一整个 full set。佢地用一个好大好靓既碗盛载啲虫草花忌廉汤，虫草花用火背干，做出好脆的效果。好靓，而且汤好浓忌廉味，配虫草花好饮又好食😋来到main course，澳洲慢煮牛里脊肉，因为慢煮，所以炆得好淋，肉汁亦锁住喺肉度，好幸福既感觉。配上松露汁，肉有嫩既口感，亦有浓郁既菌香。由于坐bar枱，望住厨师好有心思把主菜上碟，值得为主菜拍多几张相。佢哋既Latte 拉花好靓，好creamy, 咖啡味几香，中上既水准，值回票价。中环食饭贵，系无容置疑。呢个set 一啲都唔平，但食到好精致既西餐，碟碟菜都美轮美奂，见到厨师既功力和心机，真系好似置身法国餐厅食 fine dining。做野咁辛苦，都算值得既。