影片
更多
2020-12-21
1527 浏览
中伏中伏中伏中伏中伏中伏中伏之前去过2次正正常常午餐质素，今次有银联钻石卡优惠买一送一，同屋企人去，点知就中伏喇 ... （我唔知厨房知唔知我哋系用优惠，如果唔知就更加衰，即系普遍质素去到唔食得）价钱：正常午餐400－500，少少贵但系坐得舒服同经常性有位，今次半价每人$268.4一去到，坐系发现天花发霉，但系全程系无滴水嘅。有3台客，唔算好烦忘面包依然系难食（好似再差咗，个法包直情有少少．．．）不过午餐唔系好肚饿，跟餐嘅包就由佢啦 ，前菜一汤一沙律，正常叫咗Petit Filet Mignon (以前都叫过，唔系好好食，但系之前系午餐正常质素，唔会令人愤怒）一上枱 ... 有一阵好浓郁而我未闻过嘅气味，系个种好骚，臭臭地，令人内心好不安嘅气味（其实佢行紧过嚟已经闻到)。我望见『有丰富厨房经验嘅屋企人』面露难色，我内心嘅不安开始系喉咙丁涌上来。食咗一啖 - 系我从来都无食过嘅味道，好难食同有小小令人作呕。有少少似blue cheese 阵味．．．我抱住难以相信嘅心情食多一啖，真系唔系正常牛肉／之前我系同一间餐厅食过嘅味道。『有丰富厨房经验嘅屋企人』食咗一啖停晒手，然后确认 - DANG
之前去过2次正正常常午餐质素，今次有银联钻石卡优惠买一送一，同屋企人去，点知就中伏喇 ... （我唔知厨房知唔知我哋系用优惠，如果唔知就更加衰，即系普遍质素去到唔食得）
价钱：正常午餐400－500，少少贵但系坐得舒服同经常性有位，今次半价每人$268.4
一去到，坐系发现天花发霉，但系全程系无滴水嘅。有3台客，唔算好烦忘
面包依然系难食（好似再差咗，个法包直情有少少．．．）不过午餐唔系好肚饿，跟餐嘅包就由佢啦 ，前菜一汤一沙律，正常
叫咗Petit Filet Mignon (以前都叫过，唔系好好食，但系之前系午餐正常质素，唔会令人愤怒）
一上枱 ... 有一阵好浓郁而我未闻过嘅气味，系个种好骚，臭臭地，令人内心好不安嘅气味（其实佢行紧过嚟已经闻到)。我望见『有丰富厨房经验嘅屋企人』面露难色，我内心嘅不安开始系喉咙丁涌上来。
食咗一啖 - 系我从来都无食过嘅味道，好难食同有小小令人作呕。有少少似blue cheese 阵味．．．
我抱住难以相信嘅心情食多一啖，真系唔系正常牛肉／之前我系同一间餐厅食过嘅味道。
『有丰富厨房经验嘅屋企人』食咗一啖停晒手，然后确认 - DANG DANG DANG DANG 我地觉得坏咗
（抱歉形容得唔系太具体同确实，始终我人生中无食过腐烂/坏嘅食物，我都确认唔到，『有丰富厨房经验嘅屋企人』亦唔系食环署，所以都无得讲到太确定，但系以路人嘅认知来讲，觉得系坏咗。当然可能我无见识== ）
petit filet mignon
$488
27 浏览
0 赞好
0 留言
同侍应反映两碟牛肉 "闻落怪怪地", 侍应拎返去同厨师确认，好快返嚟话会重新煮过要等一等。两碟side dish 继续陪伴我地等待嘅旅程。
咁最近疫情，我都明白可能餐厅去货有少少慢，虽然内心觉得厨师同侍应拎块肉比我哋嘅路程上应该要闻到同发现到唔妥，所以私心觉得佢哋系知道但系特登照serve，但系都俾个机会佢。
最后发现，呢个机会都晒咗
侍应大概10分钟之后拎咗2碟新肉嚟。size我肉眼觉得缩水？（大概少咗一到两刀），而其实大家都睇到上图第一次𠮶碟都唔系大。
『有丰富厨房经验嘅屋企人』个碟变返正常! 系正常牛肉味！
我𠮶碟 ... 气味细咗 ... == 食咗一啖，确认唔系我心理上形住而系味道上都系个阵「怪味」。食多啖确认，个种「怪味」充满我嘅口腔同食道，即刻放弃
侍应收碟嘅时候有问，我哋都有反映一碟得一碟唔得（都好明显啦，手板咁细块都剩番手板咁细块）
甜品都系街边货色，焦糖炖蛋，我哋叫咗两杯餐茶，d奶一杯热一杯冻 ... 另外餐具求其摆，我就正常刀叉放左右，『有丰富厨房经验嘅屋企人』𠮶set就好似茶餐厅咁刀叉一切求其放系一边...
虽然我觉得餐厅侍应大多有礼貌，但系唔知系咪餐厅觉得我哋使用优惠唔系好算人类，无人同我哋表达任何歉意，一句都无。
完
张贴
