影片
更多
2012-08-19
32 浏览
比City Art 4款即开生蚝同任点意，法食物吸引左，订位同一班朋友去食。先讲环境，因为系扒房，唔似一般自助餐环境，反而似一间高级法国餐厅。坐低先攻生蚝，有四款即开生蚝分别系美国代表Fanny Bay, Taylor, 爱尔兰代表Irish同埋韩国代表Osole,无澳洲蚝相信系呢排唔当做。美国蚝一贯肥美，Fanny Bay好食啲，Irish就细细只但系蚝味好浓，最好食系Osole，第一次食韩国蚝估唔到咁鲜甜肥美，呢间蚝既水准我觉得系我食咁多间自助餐最好既，我食左成廿只~海鲜仲有长脚蟹，好味啲肉够实，翡翠螺新鲜都好好食，虾同青口都ok,不过the market既青口会好味啲，龙虾仔有糕都唔错。到餐牌任点食物，龙虾汤好味，其余两种汤可以不试；头盘推介冻鹅肝同蟹肉沙律，主菜有煎鹅肝配意大利饭，个饭好Creamy仲正过鹅肝；珍宝带子啖啖肉；银鳕鱼煎得几香口；烩牛尾够味；虎虾天使面都好食，黑豚肉都好食。甜品就一般，绿茶蛋糕可以一试，反而菠萝同哈蜜瓜好甜，雪糕系Haggen Daz，四种味朱古力，云呢拿，士多啤梨同埋芝麻。呢间生蚝超正，热菜系餐牌任叫可以同班朋友坐定定倾下唔使走出走入攞野食，唔错
先讲环境，因为系扒房，唔似一般自助餐环境，反而似一间高级法国餐厅。
坐低先攻生蚝，有四款即开生蚝分别系美国代表Fanny Bay, Taylor, 爱尔兰代表Irish同埋韩国代表Osole,无澳洲蚝相信系呢排唔当做。美国蚝一贯肥美，Fanny Bay好食啲，Irish就细细只但系蚝味好浓，最好食系Osole，第一次食韩国蚝估唔到咁鲜甜肥美，呢间蚝既水准我觉得系我食咁多间自助餐最好既，我食左成廿只~
海鲜仲有长脚蟹，好味啲肉够实，翡翠螺新鲜都好好食，虾同青口都ok,不过the market既青口会好味啲，龙虾仔有糕都唔错。
到餐牌任点食物，龙虾汤好味，其余两种汤可以不试；头盘推介冻鹅肝同蟹肉沙律，主菜有煎鹅肝配意大利饭，个饭好Creamy仲正过鹅肝；珍宝带子啖啖肉；银鳕鱼煎得几香口；烩牛尾够味；虎虾天使面都好食，黑豚肉都好食。
甜品就一般，绿茶蛋糕可以一试，反而菠萝同哈蜜瓜好甜，雪糕系Haggen Daz，四种味朱古力，云呢拿，士多啤梨同埋芝麻。
呢间生蚝超正，热菜系餐牌任叫可以同班朋友坐定定倾下唔使走出走入攞野食，唔错唔错。
张贴