菓一道健康餐廳 (已搬遷) 新店位置

好好好好好耐以前0系尖东广场食过几次果一道，今次系多多多多多年后0既重临旧地，btw，都唔系旧，因为已经搬左去广东道咁远，呢度大好多，d位依然好舒服，望出去0既view就正过以前好多，朋友都猛话好我以前食亲都系午餐，今次第一次食晚餐，价钱当然贵一d，我只系叫左鲜芒果芝士烟三文鱼焗意大利宽条面，冇加钱转套餐，因为套餐0既汤同蒜蓉包都唔系我favorite，我饮热水就够喇亦都好彩冇转套餐，因为碟宽条面都好大碟，我最后食得好饱你地睇张相就见到碟野真系好健康，有主菜三文鱼之外，仲有好多芝士、椰菜、甘荀粒、西兰花……anyway，芒果比我想像中要少，我有dd失望不过全部材料0既味道都好0岩我口味，够清淡，又多蔬菜，够健康，d宽条面又唔会太腍，冇碎湿湿，好好吮，我喜欢唔知系咪仍然时间尚早，未够七点，得3台客，所以得一个员工招呼人客，我地d野都几迟黎，都催左一次先黎个汤(我朋友叫左套餐)，催左两次先黎个糖水，希望下次帮衬时可以改善啦