一品滷水專門店

营业中

休息中

今晚想喺屋企開紅酒，就出去買啲滷味返嚟餸酒。喺北角有間主力做外賣嘅滷水店”一品滷水專門店”。其實我本身好怕買滷水店嘅嘢食，一來花多眼亂，二來價錢好難預，逐樣買又驚買得太多…但”一品”就有提供兩種拼盤選擇 - 滷水豬拼盤 / 滷水鵝拼盤，都係百幾蚊就有，依家買仲有九折，最啱我呢啲懶得諗嘅人。今次買咗滷水鵝拼盤，打開盒相當驚人，我都數唔到有幾多樣嘢食😅，睇返Menu先知有 招牌滷水鵝、鵝肝、鵝腎、豬耳、豬大腸、墨魚、豆腐，紅腸、雞蛋，實在太誇張，而且都好啱餸酒。睇樣就知滷水鵝片好腍，好有鵝味，其他嘢食都有鮮味，特別係豆腐同雞蛋，其實滷水嘅質素點睇呢，睇呢兩樣本來冇乜味嘅嘢食就知了。呢度都keep住有人排隊，我都等咗幾個先買到。睇返原來佢啲飯盒都好平，下次預算少啲都可以試吓。