一品滷水專門店

营业中

休息中

今晚想喺屋企开红酒，就出去买啲卤味返嚟𩠌酒。喺北角有间主力做外卖嘅卤水店”一品卤水专门店”。其实我本身好怕买卤水店嘅嘢食，一来花多眼乱，二来价钱好难预，逐样买又惊买得太多…但”一品”就有提供两种拼盘选择 - 卤水猪拼盘 / 卤水鹅拼盘，都系百几蚊就有，依家买仲有九折，最啱我呢啲懒得谂嘅人。今次买咗卤水鹅拼盘，打开盒相当惊人，我都数唔到有几多样嘢食😅，睇返Menu先知有 招牌卤水鹅、鹅肝、鹅肾、猪耳、猪大肠、墨鱼、豆腐，红肠、鸡蛋，实在太夸张，而且都好啱𩠌酒。睇样就知卤水鹅片好腍，好有鹅味，其他嘢食都有鲜味，特别系豆腐同鸡蛋，其实卤水嘅质素点睇呢，睇呢两样本来冇乜味嘅嘢食就知了。呢度都keep住有人排队，我都等咗几个先买到。睇返原来佢啲饭盒都好平，下次预算少啲都可以试吓。