韓珍 (寶勒巷)

营业中

休息中

本身同朋友约好咗去韩国，点知临时公司有事，所以唯有取消，搞到我鬼咁伤心，本身明明可以去劲食韩国嘢㗎嘛。于是另外一班朋友就特登约我去尖沙咀，话有一间都好好食嘅韩国嘢，佢哋话呢度嘅酱油蟹劲好食，咁都好啦，弥补吓心理，点知食完之后真系开心返晒，劲好食，而且店员阿姨全部都好好人，食得好开心。呢到banchan有好多款式，而且都好有诚意，有豆、芽菜、八爪鱼、泡菜、腌制洋葱同炸虾米。烤肉叫咗个韩牛牛腩，有1++等级，韩牛真系好无敌，真系入口即溶，浓浓嘅牛味。另外就要咗个牛舌，冇谂过份量咁多，真系好惊喜，而且厚度刚刚好，烤一烤好快就熟。牛肋骨汤d肉超级软嫩，个汤清清地，食完烤肉之后饮，即刻舒服好多，汤底好清甜。然后就到我最钟意嘅酱油蟹配牛油饭，酱油蟹好肥美，加埋好多蟹膏，捞饭嚟食，真系好快就食晒成碗！饮品我地要左strawberry velvet 同coconut mint 沙冰，两个都好解渴，又唔会过甜，正啊！