影片
更多
2024-11-12
766 浏览
首先要利申一下，一向无北上消费食野嘅习惯。甚至系后来先知原来太二老坛子酸菜鱼系国内嘅过江龙，所以以下讲嘅味道同价钱都未能同大陆分店作比较。话说今日去开airside 睇戏，见到有我最爱嘅酸菜鱼就决定入去试试🤪我地两个人叫咗2-3人份嘅老坛子酸菜鱼，佢set 咗免费加两个配菜，最多只可以加三个配菜，而第三款要加HKD20.最后我地加咗粉丝，金菇同红薯粉。另外叫咗个宫保酸甜鸡，同埋蛋酥软糍粑做甜品。餐厅有陈皮洛神花茶免费供应，其实都几贴心，不过，我同男朋友都唔太识欣赏🫣男朋友嫌佢酸，我就觉得陈皮味浓到有d 涩🙂↕️酸菜鱼上枱时，男待应突然好大声讲咗句唔知咩方言😂俾佢吓咗一吓，上网search 原来系「好吃的酸菜鱼来了，好好玩哦，先喝一口汤，哇塞 属实被惊艳」讲返佢嘅味道，上枱时的确好香椒麻味，鱼肉嫩滑，份量亦好足，正常三个人都够食，汤头酸酸辣辣几开胃，但略嫌有小小过油。配菜份量略小，特别系薯粉同金菇，捞埋得两小撮。食食下太开胃又想加个饭😂白饭同酸菜鱼果然系完美配搭，三扒两拨就清晒枱😚宫保酸甜鸡亦有惊喜，外表炸得香脆可口，内里肉质依然juicy,就连伴碟嘅炸米粒亦好有诚意，配埋个酸甜汁都几惹
话说今日去开airside 睇戏，见到有我最爱嘅酸菜鱼就决定入去试试🤪
我地两个人叫咗2-3人份嘅老坛子酸菜鱼，佢set 咗免费加两个配菜，最多只可以加三个配菜，而第三款要加HKD20.最后我地加咗粉丝，金菇同红薯粉。
另外叫咗个宫保酸甜鸡，同埋蛋酥软糍粑做甜品。
餐厅有陈皮洛神花茶免费供应，其实都几贴心，不过，我同男朋友都唔太识欣赏🫣男朋友嫌佢酸，我就觉得陈皮味浓到有d 涩🙂↕️
酸菜鱼上枱时，男待应突然好大声讲咗句唔知咩方言😂俾佢吓咗一吓，上网search 原来系「好吃的酸菜鱼来了，好好玩哦，先喝一口汤，哇塞 属实被惊艳」
讲返佢嘅味道，上枱时的确好香椒麻味，鱼肉嫩滑，份量亦好足，正常三个人都够食，汤头酸酸辣辣几开胃，但略嫌有小小过油。配菜份量略小，特别系薯粉同金菇，捞埋得两小撮。
食食下太开胃又想加个饭😂白饭同酸菜鱼果然系完美配搭，三扒两拨就清晒枱😚
宫保酸甜鸡亦有惊喜，外表炸得香脆可口，内里肉质依然juicy,就连伴碟嘅炸米粒亦好有诚意，配埋个酸甜汁都几惹味。
蛋酥软糍粑上枱热辣辣入口软糯，配上黑糖浆，味道刚好，未有过甜。
--
餐厅服务尚可，不过偶而听到员工同员工间以普通话对答，感觉似返咗上大陆食饭咁。
另外，唯一要弹嘅系，酸菜鱼虽好食，但食完之后劲口渴，平时出名滴水不沾的我都口渴到灌水🥲
整体而言，味道ok,但未去到惊艳，路过又谂唔到食乜可以一试。
张贴
