金子半之助 (利東街)

营业中

休息中

因为太耐冇去过日本啦，所以其实都好想食日式嘅炸嘢。最近喺网上见到有一间都几出名嘅日本过江龙天丼店。难得有呢个机会，就当然要试吓啦。等我喺香港都食下日本嘅味道。我自己都几钟意餐厅嘅环境，我觉得餐厅嘅坐位都几舒服，同埋都几有日式嘅气氛，好似去咗旅行咁。至于嘢食方面，首先我想介绍嘅就系江户前天丼，呢个天丼真系够晒足料，一共有穴子、海老、小柱鱿鱼天妇罗饼、温泉蛋、海苔、英豌豆，真系见到就觉得够晒丰富。有啲人可能唔知穴子系咩嚟，其实穴子都系鳗鱼嘅一种嚟㗎，不过佢嘅脂肪会比较少，所以食起上嚟都比较健康。同埋呢条穴子真系好大条，啖啖肉嘅感觉好满足。至于其他炸物一样好食，话咁快就食晒成碗丼饭。之后要介绍嘅丼饭系上天丼，虽然呢一份上天丼冇穴子，但系取而代之有好特别嘅白身鱼。我觉得白身鱼嘅味道唔会比穴子逊色，佢嘅口感系外脆内软，肉质清甜仲要好弹牙。趁热食嘅话真系超级满足。如果大家都钟意食天丼嘅话，就真系要试呢间啦。绝对唔会令你失望。