築地GINDACO (裝修中)

日船我就未食过，唔知呢两间个味差几远；日本章鱼烧我就食得多啦。呢间既章鱼烧完完全全系日本𠮶只味。有时挂住日本，黎呢到食返个たこ焼き怀念下啦！呢到除左原味章鱼烧，仲有玉子章鱼烧，大阪烧等。今次我就叫左四粒原味章鱼烧，加8蚊仲有抺茶牛奶饮。因为有啲饱，所以我就净系嗌左四粒章鱼烧🐙等左五分钟就有得食啦。见住职员整完之后搽酱唧沙律酱同落柴鱼，新鲜滚热辣！食落完全冇失望，外脆内软，每粒入面都有一旧章鱼仔。所有酱都不嫌少，绝对够你食晒四粒！个口好似返左日本咁，好好食呀！下次就想试埋大阪烧同抺茶牛奶😋