湘川滬 (+WOO嘉湖二期)

营业中

休息中

我屋企人一直都好钟意食上海野，今日同佢嚟到天水围银座嘅呢个餐厅，虽然唔算好大，但系坐得好舒服，位置阔落，最紧要嘅系服务员亲切有礼，份外充满人情味啊首先叫咗个冷盘鸡丝粉皮，份量算多架，最重要嘅系麻将嘅比例恰到好处，粉皮新鲜，充满弹性，鸡丝唔会有雪藏嘅味道，而且配上青瓜丝，食落去爽口弹牙，真系食到停唔到口呀。黑棕鹅，好浓厚嘅鹅香味，唔会好咸，但系啲肉就肥咗啲，钟意食肥嘅人就啱晒啦，因为佢肥得来仲要好滑，如果我唔减肥，真系多多都食得晒呀。上海粗炒，份量称得上系巨无霸，最紧要嘅系够晒镬气，唔会好咸，食落似乌冬咁滑身，果然够晒正。