The Point (已結業)

中午在时代广场行下，购物完毕要揾嘢食，后边果条灯笼街就好多人气食肆，入咗去The Point 呢间西餐厅食午餐，见仲有几个外国客人在进餐，呢间系有几间分店都在香港某些酒店驻扎的，感觉服务同质素应有保证吧！里面D座位同装修都唔错，水吧顶放满港产手工啤，而且价钱又唔算贵，呢度价钱只比外边超市贵少少而已！我地点咗个烟三文鱼凯撒沙律，原只龙虾薄批配茴香头、车厘茄、水牛芝士、香茅龙虾汁。沙律果两片烟三文好大片，放咗D鱼子在上面，仲有D烟肉碎混埋沙律酱好好味，够醒胃，做前菜啱啱好！龙虾批上桌，哗！成只波士顿龙虾放在个批上面，好霸气！加上车厘茄D红色，茴香头D绿色，芝士嘅米黄色，好抢镜的视觉效果，净系睇到都觉得流口水！食落感觉虾肉鲜甜，个薄饼皮香脆，香料味啱啱好！呢个时候，有杯冰凉啤酒就真系最合配啦！点咗两款港产手工啤：呢只港产啤酒已经渐渐流行了，好丰富果子味，一面食，一面谈天，很快又过了一个愉快的下午！