一起食堂 (域多利皇后街)

营业中

休息中

谂住同朋友去愉景湾，所以大家相约喺中环站等。 谂紧食乜嘅时候，比我系网上发现到呢间特色餐厅，咁我哋就去试下啦。我哋星期日去嘅，所以基本上都唔系话太多人。 等咗大概一分钟就入得去了。餐厅嘅环境都算干净，但系唯一嘅缺点就系比较迫 ，唔够宽敞。基本上我哋嘅袋系冇位放嘅😅 但系店员嘅服务态度都算有礼。😁至于食物方面我哋叫咗蟹肉茶渍饭同埋黑糖猪软骨饭，呢两个饭都系餐厅推介嘅食物。 饮品就嗌咗珍珠奶茶 同埋爱玉凤梨绿茶。黑糖猪软骨饭嘅卖相ok，包咗啲前菜同埋甜品再加个汤。整体嘅味道都可以， 黑糖嘅味道可以重啲。唯一嘅缺点就系啲猪展骨有少少硬，如果啲猪软骨淋啲就会更加好食 😋本人钟意珍珠奶茶少糖。值得一赞嘅地方就系呢度可以畀客人选择加多糖，中糖或者走糖。我叫佐中糖。黎到既珍珠奶茶甜度啱啱好， 恰到好处。至于朋友嗌嘅茶渍饭 佢话味道清清地几好食。埋单每人90蚊到，唔算太贵。