容龍海鮮酒家

营业中

休息中

通常一般获米之莲星嘅餐厅都系普普通通，可能因为咁所以我都无乜expectation, 亦因此觉得原来哩度嘅食物质素都几ok㖞！我地叫咗5个𩠌，有咕噜豆腐(普普通通OK 啦)，银杏百合蜜糖豆 (百合好新鲜，唔太油，几好)，容龙牛柳 (其实即系中式牛柳，不过佢地用靓牛柳，好有牛味，而且几厚肉！), 烟熏仓鱼沙律 (虽然哩个𩠌系喺佢地十大signature dishes 之一，但以为佢地专登整哩个𩠌畀外国客人，点知佢地又烟熏得恰到好处，唔太浓味，有时d餐厅会烟熏到煮㶶咗咁架嘛，但佢地控制得好好), 最后一个𩠌，哗，等咗一个钟先有得食，就系蒜蓉排骨蟹肉糯米饭喇！等咁耐系值得嘅，只蟹好新鲜，又多肉，糯米饭加蟹汁一齐食好味到不得了！！！讲明先，我地系平日星期三去食晚饭，唔知星期六日会唔会因为人多好忙而质素有差别架。服务不过不失，但可以改善。总括来讲餐饭好有惊喜，哈哈！