影片
更多
2015-07-31
994 浏览
职员全部都好好礼貌，又会主动加水。二人晚餐＄188 餐牌内的选择都够：小食拣咗 1.泰式鳯爪，呢个有啲太辣，不过都勉强食到，饮多杯水啦唯有。2.泰式鱼饼四件，呢个好好食，唔系急冻个啲扁嘅鱼饼，系似手打鱼蛋嘅鱼饼，呢个正价好似都唔平。小菜拣咗 马拉盏炒通菜，呢个略嫌细份同埋得啲茎冇乜叶，可能几枱都嗌咗，分𩠌个时分得唔均。饭拣咗 越式菠萝炒饭，同泰式唔同食法，呢个清清地唔错，有生菜鸡肉，比起泰式嘅花生提子冇咁重口味。仲有一个黄咖喱鸡农夫包，有得拣猪牛鸡，牛好似系牛腩。个包好大份，但系咖喱比较杰有啲似咖喱膏，就咁食有啲干得济，所以问咗职员拎少少咖喱汁来送包。另外叫咗杯 椰汁沙冰＄24，全晚最正就系佢，因为一望就知落足料，食到最尾甜品送来嘅时候都未溶哂，饮落劲重椰子味超正！(系金X都有嗌过，但系一上来杯野已经变水，一啲都唔似沙冰，摆一阵已经变返椰汁，味道都唔太出色)开头以为咖喱包可以捞蒜蓉包所以嗌埋，跟餐嗌＄15三件，好脆好够味。送嘅甜品系南瓜糕，有啲南瓜粒，不过好实同冇味。因为我唔食南瓜所以嗌咗份泰式千层糕＄13三件，原来系热嘅，即叫即蒸。总结：埋单＄240，一至五免加一，会因为杯沙冰再来食
二人晚餐＄188 餐牌内的选择都够：
小食拣咗 1.泰式鳯爪，呢个有啲太辣，不过都勉强食到，饮多杯水啦唯有。2.泰式鱼饼四件，呢个好好食，唔系急冻个啲扁嘅鱼饼，系似手打鱼蛋嘅鱼饼，呢个正价好似都唔平。
小菜拣咗 马拉盏炒通菜，呢个略嫌细份同埋得啲茎冇乜叶，可能几枱都嗌咗，分𩠌个时分得唔均。
饭拣咗 越式菠萝炒饭，同泰式唔同食法，呢个清清地唔错，有生菜鸡肉，比起泰式嘅花生提子冇咁重口味。
仲有一个黄咖喱鸡农夫包，有得拣猪牛鸡，牛好似系牛腩。个包好大份，但系咖喱比较杰有啲似咖喱膏，就咁食有啲干得济，所以问咗职员拎少少咖喱汁来送包。
另外叫咗杯 椰汁沙冰＄24，全晚最正就系佢，因为一望就知落足料，食到最尾甜品送来嘅时候都未溶哂，饮落劲重椰子味超正！
(系金X都有嗌过，但系一上来杯野已经变水，一啲都唔似沙冰，摆一阵已经变返椰汁，味道都唔太出色)
开头以为咖喱包可以捞蒜蓉包所以嗌埋，跟餐嗌＄15三件，好脆好够味。
送嘅甜品系南瓜糕，有啲南瓜粒，不过好实同冇味。
因为我唔食南瓜所以嗌咗份泰式千层糕＄13三件，原来系热嘅，即叫即蒸。
总结：埋单＄240，一至五免加一，会因为杯沙冰再来食！
张贴
