湘蜀人家

营业中

休息中

今晚屋企人想食川菜，就黎到鲗鱼涌呢边嘅湘蜀人家度食晚餐。湘蜀人家顾名思义就系可以食川菜同湖南菜啦，呢度唔止个店名诗情画意，连装修风格都别具特色。而且呢度既店员都好亲切，令我有宾至如归既感觉。我地开左壶铁观音，坐低食住美味既花生先花生又香又脆等左无几耐就上菜啦！呢碟系凉拌土豆丝，土豆丝食落好爽口，少少辣味，酸酸地好开胃！跟住再要左个夫妻肺片，呢度既夫妻肺片好好食啊！材料每一片都切到好薄，麻辣鲜香，十分惹味，送饭食一流啊！跟住呢一碟系芹菜炒豆干，芹菜炒到又脆又香甜，咸淡刚刚好，豆干都嗦左芹菜既鲜甜味，味道一流！饭后甜品我地就要左个酒酿丸子，一打开盖就闻到淡淡的嘅酒香味，又有桂花既香气，加埋红枣枸杞，呢个甜品真系又香又甜蜜啊！糯米同丸子都烟烟韧韧，口感好正！系好满足既一餐