炑八韓烤 (瓊華中心) (已結業)

放假同小朋友出咗去食烧肉，呢间烧肉我好钟意佢哋嘅配菜，今日就过嚟食午餐发觉午餐真系超级抵食。一坐低店员就即刻递上泡菜蛋液同芝士粟米，鸡蛋10分嫩滑，芝士粟米香甜浓郁。盐葱牛舌配迷你韩式麻药蛋饭牛舌口感爽脆，轻轻一烧已经食得，麻药蛋蛋味香浓，味道香甜。铁板烤牛肉荤菇饭牛肉份量非常多，入口软林，加上大量菇令到口感丰富，铁板上热辣辣，仲有少少饭焦。炸鸡和薯条新鲜炸起，薯条香脆可口，炸鸡外皮香脆，入面好Juice，鸡肉嫩滑。焦糖脆饼雪糕杯雪糕香浓幼滑，加上焦糖脆饼20分好味。姜橙梳打非常够姜，橙味清新，我入口唔会太过甜几好饮。