妹記生滾粥品

营业中

休息中

好少可上午嚟旺角，难得要喺旺角食Lunch，又咁啱想食粥，就想起旺角道街市楼上「妹记」。现在要食靓猪润真的多咗选择，不过妹记系有佢优点。论厚，妹记唔算厚，但都足够有厚度，能食出猪润的唔脆唔腍口感。其中一项我觉得妹记生滚比较明显嘅系猪油味，佢哋会先猪油落镬兜兜啲𩠌，然后撞落去白粥，所以上枱嘅白粥特别有猪油香，如果怕猪油味就唔好食，但对有好者而言就系妙品。对上一次食妹记及第粥已经成10年前，印象开始依稀，但记得系好嘢。唔清楚今时今日多唔多Foodie推介，或者食客口味真系变咗？睇落少咗人帮衬。当年旺角区必食粥品之一，到而家质素其实冇变，仍然系旺角数一数二靓粥（好旺角好耐冇食过，得闲写下）。