Il Bel Paese

营业中

休息中

之前食过佢嘅Gelato觉得好好食，今晚就嚟食晚餐。Set dinner都有几款可以拣，有齐前菜、主菜同甜品，都几抵食。我同朋友就一人嗌咗一个set嚟share。意式杂锦豆汤有好多款唔同嘅豆同薯仔粒喺汤入面，应该有少少胡椒粉，饮耐咗会有少少辣辣哋，第一次饮豆汤，感觉都几特别。招牌IBP意式沙律份量超多，几款菜都好新鲜，仲有溏心蛋同一啲腌咗嘅肉，好开胃。意式烤鸡配蔬菜烤鸡闻落好香，啲皮烤到脆卜卜，鸡髀位嘅肉好嫩滑，鸡胸位嘅肉都够juicy，唔会话好鞋。另外仲有烤薯仔、青椒、南瓜同红萝卜等等，估唔到连配菜都好食。蚬肉意大利面蚬肉嘅份量都几多，每粒都好大粒，食得出有用白酒煮过。意粉嘅软硬度好啱心水，有蒜香，但系唔会太出，系出色嘅意粉。Hazelnut GelatoHazelnut好香，软绵绵咁好好食，下次一定要试埋其他味。意式蛋糕一共有三件，系比较硬同埋湿嘅蛋糕，唔知点解有少少黑糖嘅味道，上面有云呢拿雪糕同埋忌廉，好食。