古早台居

营业中

休息中

启德区变化真系好大，起咗同起紧好多好多新building ，今日放假同屋企人行下个新商场airside，商场好有特色，虽然小咗啲零售舖，但商场起得好特色好有心思，系一定非常之合适行一行冇失望嘅商场，对出仲有个大公园，天气好，好啱行埋个公园。行得攰攰哋入返商场揾嘢食，嚟到food court ，都几多嘢拣，价钱可以接受。见到有人食紧台湾嘢，出餐都几靓，所以都想试试。嗌咗个牛三宝米粉同花支丸台湾面，半价叫咗杯热珍珠奶茶好抵玩牛三宝啲米粉好入味，食得出汤底落咗啲功夫，牛肉好冧身，牛肚同牛丸都有水准值得推介埋花支丸面，花支丸好大粒食到入面有好多墨鱼粒，真材实料热奶茶就正常，同街边茶饮店出品差不多。food court 环境都好舒服，真系假日好去处