孖寶車仔麵

营业中

休息中

今日同朋友来到葵涌广场食嘢，旧地重游，好怀念以前学生年代成日来呢到揾食，于是我地一收工就过来买嘢，最后决定食返呢间孖宝车仔面，因为口碑真系太好，个个都话抵食又好味。今日我哋一个叫咗四𩠌，一个叫咗三𩠌，全部都真系劲正！腩汁米粉，配猪红、卤水豆腐、鱼片头，就系我拣嘅。呢度嘅猪红劲好食，我本身想再加点！另外就系我一定会加呢度嘅菜圃，提升口感。而秘制汁手打面就配牛腩、五香猪颈肉、卤水豆腐同鱼肉春卷就系朋友拣嘅。最钟意呢度嘅手打面口感真系好好，烟韧度刚刚好，牛腩亦都好腍，鱼肉春卷亦都系啖啖肉，完全冇腥味。见到我哋两个都有嗌卤水豆腐，就知呢个系必点啦，其实我哋本来都想要萝卜，但系刚好已经卖晒，所以下次有机会都一定要早啲嚟。饮品方面我哋就叫咗冻菜蜜同热菜蜜，去埋车仔面食，真系好鬼正。