丼造

营业中

休息中

今日收工𠮶阵行紧返屋企𠮶阵突然间见到间铺头好似几吸引，就行左过去睇下。原来系食日本嘢，即刻叫老公不如今晚食外卖。个餐牌好多丼饭都好吸引！我老公就拣左牛油果赤火丼而我就拣左鲭鱼丼。除左个丼饭，原来佢仲有包埋餐前小食同嘢饮！一打开个鲭鱼丼就照正，条鲭鱼劲大条！加上蛋粒，青瓜同腌萝卜，成个饭嘅卖相都好靓。急不及待就要试下。佢嘅鱼皮煎到好香，而鱼肉有鲭鱼嘅香味，唔会好似有啲餐厅又柴又淡。佢亦都配左一个酸酸地嘅酱汁，点少少又系另一种风味！两款食法都好正！老公就食个前菜先，佢话个螺肉同埋中华沙律都系正常发挥，无乜投诉。但系个赤火丼佢就赞不绝口！佢攞盘十分吸引，左口鱼有轻轻用火炙下，令到佢嘅油香渗岀嚟。而佢嘅三文鱼亦都系有炙下，本身三文鱼够肥美，所以炙完之后又系食得到有油香。除左鱼，佢个饭仲配上蟹籽，十分爽口，配上牛油果食，带返一啲清新嘅口感！加上两旧印住丼造嘅蛋，真系大满足！啲料多到要食咁啲我𠮶盒饭。。。真系好彩咁啱行过撞手神买咗，相信以后又多一间饭堂！