影片
更多
2008-09-30
82 浏览
去完日本后, 迷上了日本的teppanyaki, 喜欢佢地用料新鲜同师傅的技术, 但系香港食一餐有水准日式铁板烧并不便宜, 所以衬我太座生日就选择去秋田试下, 听闻果度d师傅好出色㖞!! 当晚我地被安排坐系一个较为寂静嘅角位, 总算坐得几舒服, 而且餐厅嘅客人唔算多, 所以环境都几静, 一位貌似谭耀文嘅 Roy师傅负责整铁板烧比我地食, 因为庆祝生日, 所以我地叫左个贵少少的熊本二人前御前套餐/ kumamoto set ($1,076), 个餐都几丰富, 有沙律, 原只活伊势龙虾, 鲜活鲍鱼, 香煎顶级鹅肝, 澳洲顶级和牛薄烧, 特式秋田炒饭, 炒野菜, 龙虾面豉汤同季节甜品餐前小食先送上枝豆同鱼仔干, 系香港真系比较少食枝豆, 枝豆外洒上少少盐, 咸咸地几好味, 再配上在铁板炒香的烟肉同樱花虾, 咸咸地几香口, 佐酒一流所有材料都好新鲜, 都系烧前先系鱼缸捞出来, 首先整鲍鱼 ,睇住师傅将两只生鲍鱼烧到甩壳再煮到熟, 再加 d 牛油, 葱花, 调味料, 然后切粒上碟, 入口味道鲜甜, 我估唔到完全唔un, 仲要粒粒都好弹牙, 好味道!!跟住就烧龙虾, 龙虾系新鲜本地龙虾, 个子较小
因为庆祝生日, 所以我地叫左个贵少少的熊本二人前御前套餐/ kumamoto set ($1,076), 个餐都几丰富, 有沙律, 原只活伊势龙虾, 鲜活鲍鱼, 香煎顶级鹅肝, 澳洲顶级和牛薄烧, 特式秋田炒饭, 炒野菜, 龙虾面豉汤同季节甜品
餐前小食先送上枝豆同鱼仔干, 系香港真系比较少食枝豆, 枝豆外洒上少少盐, 咸咸地几好味, 再配上在铁板炒香的烟肉同樱花虾, 咸咸地几香口, 佐酒一流
所有材料都好新鲜, 都系烧前先系鱼缸捞出来, 首先整鲍鱼 ,睇住师傅将两只生鲍鱼烧到甩壳再煮到熟, 再加 d 牛油, 葱花, 调味料, 然后切粒上碟, 入口味道鲜甜, 我估唔到完全唔un, 仲要粒粒都好弹牙, 好味道!!
跟住就烧龙虾, 龙虾系新鲜本地龙虾, 个子较小, 但其味道较浓、肉质亦较嫩滑, 龙虾肉好爽口同鲜甜, 加上少许酒的调味, 将龙虾鲜味完全带出来, 可惜太少了
然后到鹅肝出场, Roy师傅弄法包做法好特别, 先系铁板上将略略煎至金黄色,加入少量牛油, 再将面包压到好扁好扁, 然后将面包放埋一边, 继而将两片鹅肝放系铁板上煎熟, 睇住鹅肝慢慢转至金黄色后, 再将鹅肝放上面包上才上碟, 鹅肝甘香可口, 配上香脆法包食可减低油腻感, 又系一绝
之后到第四个主角澳洲和牛肉, 我地另加 $80 将 menu 上的薄烧转左厚烧澳洲和牛牛肩, 因为我地觉得厚烧比较有口感同肉味, 做法同日本传统做法一样将大量嘅蒜片用油半煎炸至金黄色, 然后将整片牛肉放系铁板上面烧, 烧至5成熟之后再倒左 d 酒落牛肉度, 形成一个好震撼嘅放火场面呀, 师傅控制时间得好好, 牛肉juciy 同好有肉味, 生熟嘅程度又啱啱好, 连蒜片食仲正架
跟住系龙虾面豉汤, 用上前一晚预留嘅新鲜龙虾头加上红萝卜来黎淆汤, 汤底好鲜甜, 而炒野菜就一般啦, 因为炒得比较生, 跟住师傅又玩下把戏, 用鸡蛋写字, 之后用d鸡蛋同日本冷饭, 烟肉、葱, 鱼子等用来炒饭, 饭炒得干身有水准, 一大碗热辣辣又好味, 食到好饱
甜品系雪糕, 无咩特别, 好人嘅Roy师傅知道我地对雪糕有 d失望, 仲请我地食北海道甜粟米呀! 都系第一次食生粟米架咋! 味道有 d 似马蹄, 甜得黎又多汁
是次席前料理可以享受到食材的新鲜同师傅的技巧, 而且服务都好好, 绝对值得一试, 埋单总数$1,393 (套餐连加一, 一枝sapporo同lemon squash, 绿茶, 餐前小食, 加$80转和牛肩)
张贴
