The Pantry Cafe

营业中

休息中

新都会呢间新开食Pancake嘅餐厅，老婆赞个Pancake好食到不得了，但我觉得其他都唔错又唔贵。好似个三文鱼Tacos，好香麦味又脆嘅Taco装住三文鱼、酸椰菜、牛油果酱、青红椒同酸忌廉，食落好丰富又健康咁，样又靓。个Parma Ham哈蜜瓜黑醋沙律嘅Parma Ham都够浓郁咸香，配搭清甜哈密瓜同黑醋沙律好正。食左个有安格斯牛肉同枫糖浆烟肉嘅芝士汉堡，牛肉texture好有纤维感有肉汁，同埋唔油腻，枫糖浆烟肉甜甜地带少少咸，个burger相当好食。重点之一嘅朱古力香蕉厚班戟，够厚够松软，上面有旧雪糕，侧边有半条香蕉，上面有层焦糖同Brownies，淋上去嘅朱古力浆又香又浓，无得弹。我地仲食左辣味芝士牛肉汁薯条同石榴青柠梳打，个汁调得好好，少辣似肉酱。饮品卖相透心凉，服务ok，有一两个侍应特别细心，会自动换碟同加水。