Chatterbox Café (圍方)

营业中

休息中

大围围方商场开幕嘅时候几咁震撼，我都系要等热潮过咗先好嚟呢个商场食嘢，呢度果然有好多嘢食先吸引到咁多人过嚟，朋友想食海南鸡，所以今次拣咗一间新加坡餐厅试试佢！佢个二人餐都好抵食，有小食，两个主食，一碟菜同两杯饮品，小食拣左咸蛋黄鸡翼，好香浓嘅咸蛋黄味！一个小食唔够喉嘅话可以再加，另外再加左半件黑酱油萝卜糕，黑酱油煮得好入味，唔错！另外主食叫咗海南鸡饭同肉骨茶，海南鸡好嫩滑，酱汁有齐黑酱油、辣酱同姜蓉，钟意点咩口味都得，另外个鸡汤清清地都唔错！另一个主食肉骨茶系胡椒味，有别于马来西亚嘅药材味，肉嘅份量都唔少，仲有金菇豆卜油炸鬼做配菜，量多到个白饭都食唔晒！饮品方面就拣咗夏日特饮菠萝梳打同椰番石榴梳打，两杯都有配雪糕，炎炎夏日饮杯冰冻梳打同食到雪糕真系好爽！