梅花邨小館

营业中

休息中

我同屋企人间中都会黎食下饭，因为呢度d潮洲菜比较啱口味，比较似我嫲嫲煮开嘅味道，可惜嫲嫲已经唔喺度，只可以黎呢度回味一下啦。通常都会叫卤水鹅，卤水拼盘，蚝饼之类，琴晚想食春菜，但问侍应佢话冇货，介绍左个咸肉芥菜煲。一上枱，见个汤底几吸引，饮左半碗仔，估唔到几好味㖞，有淡淡胡椒味，但又颇清甜😋，相信下次都会再叫。特别要讲下佢d饭前小吃，佢个咸菜真系好好味，唔系死咸，会系甜味比较多d，令你食完想再食。仲有个炸花生小鱼仔，香口松脆，回味无穷，不过食得多就容易热气啰😝仲有佢个甜品，每次都会叫白果芋泥，细细碗，比较甜同饱肚，两三个人食一碗就差唔多，总觉得佢之前比较好味。