留家廚房

营业中

休息中

最近同屋企人嚟庆祝生日，估唔到原来依间餐厅咁好食！由于我哋想食到自己想食嘅𩠌，所以我哋五个人无叫套餐，而系散叫。一共叫咗七个𩠌。虽然地方有啲隔涉，唔近地铁站，但𠮶晚都好多客人，但店员都好好服务，唔会话好难先叫到佢哋落单或添茶。个凉拌醉鲍鱼好重酒味，但鲍鱼整得好够林，用刀叉一切就食得。另外个鸡好新鲜，好有鸡味同埋肉质好滑。个五花腩唔会太肥，因为有好多时肥到油淋淋𠮶种好难入口，但依个唔会，攞嚟送饭一流！之后到太史戈渣，我都真系未试过，原来咁好味，外脆内软。最最最好味系个凤凰焗鱼肠，我都真系唔知佢点整，但入口即溶，好好味啊！价钱唔算平，都真系中上，但食完之后都会觉得佢系有原因收咁贵。我觉得同老人家食生日饭真系唔错，但如果平日嚟嘅话就可能略嫌少贵喇。