Cine Citta (已結業)

我地一行二人, 拣左可以睇到大萤幕的四人座位坐低, 因为那位置会睇得较多间餐厅的间隔布置。 我地一坐低无耐, 侍应就送黎好多面包系我地面前, 咁我地就食面包啰。 我地叫左「意大利杂菜汤」、「自制意大利粗面伴鸭肉酱‧牛肝菌」、「自制意大利幼面‧黑松露菌」、「自制意大利云吞酿茄子‧芝士‧蕃茄汁 」，还有我们都喜欢吃的 Tiramisu。全部都系一份两人 share。 杂菜汤味道好清, 唔似街边个 d 所谓的杂菜汤咁浓味, 我觉得几好。 我最钟意都系意大利粗面, 比一般的意粉粗身, 而且比较硬, 但系我好钟意呢种质感, 好有弹力。 我觉得意大利幼面‧黑松露菌的味道好怪, 好似酥酥地, 唔知系咪 d 上面的芝士粉的关系? 云吞都几好呀, 云吞皮的厚度同埋软硬都很适中。 Tiramisu 都好好味, 中间的饼做得好多好厚, 比起好多其他的 Tiramisu 更好, 但系我觉得酒味唔多够, 而且又细件... 但系个日 lunch 同埋 tea 我都食到好饱, 否则我会要求叫多一碟野食~ 张桌又摆左一支红玫瑰, 环境都几浪漫既~ 侍应的态度都很好, 不时都问我们仲有无野想叫, 不过后面的顾客比较嘈