川莊

营业中

休息中

今晚去朗豪坊睇戏，因为有四小时泊车优惠，所以就顺便揾埋食，朋友想食辣野，所以上左十二楼呢间川菜-川庄，以前呢间系朗豪坊人龙店，夜晚无论咩时候都有人排队，可能香港经济低迷，市道不景，无需要排队，门口侍应带到入去，都叫满座，只系剩返一张窗边枱，可能好耐冇嚟过，而家都系用QR code落单，一用手机落单，就有一个推介弹出嚟，石锅辣桶蚝，本人钟意食蚝，所以就叫咗一个嚟试吓，嚟到热辣辣，上枱仲吱吱喳喳，一睇就好惹味，食落就非常好味，辣味啱啱好，最重要系有蚝味，呢个非常好食，值得推介，反而叫咗个辣椒炒牛肉，辣度够，可能有个炉热住嘅关系，最后啲牛肉有少少老，仲叫咗个烧菠萝，酸酸甜甜非常开胃，整体味道都唔错，价钱虽然比深圳高，但系喺地价高嘅香港，完全合理！