樓下冰室

营业中

休息中

今次两个人系鲗鱼涌，见到依间楼下冰室装修几靓，所以就入去试下。一入到黎装修就比人觉得好怀旧，又够光猛，好舒服。咁依到好似瑞士汁好出名，所以就叫左有瑞士汁既野食。先黎既系楼下三宝饭，上面有一只煎蛋，一只瑞士鸡全翼，一旧免切叉烧。真系要赞下只瑞士鸡全翼，我自己好少食到咁入味既瑞士鸡翼，好多都系得个皮有味，依到可以做到外到内都咁入味，仲要只鸡好滑，唔会老哂，真系好好食。个免切叉烧都好正，成旧唔用刀就咁咬，别有一番风味！仲要个叉烧又系好够味，内外与一，唔会入面无哂味，正！之后就系招牌胡椒猪肚滑鸡泡饭。个胡椒猪肚汤真系好正，胡椒味好劲，猪肚既味都够出。佢个饭都好足料，猪肚同鸡都有劲多，全部都好入味，个鸡都好滑。泡饭唔会太硬，够淋，每啖都有胡椒猪肚味，真系好正。德国什肠，咁咩肠都有Ｄ，都系岩岩煎好，好热，仲要个边几脆，所以都几好食，份量好彩唔系太多，否则应该会食唔哂。炸韭菜饺子，咁佢就有８只，又系岩岩炸起，好热好脆，彩佢唔会太油，入面料都好多，加埋够香口，所以真系好好食！最后叫左两杯野饮，新鲜菠萝冰同绿椰冰。新鲜菠萝冰既菠萝味唔会系个Ｄ好假既菠萝味，真系用左新鲜菠萝去整，所以好fresh。个绿椰冰