影片
更多
2014-06-01
842 浏览
生日唔知去边好, 又唔想同人迫, 于是趁系闲日, 入西贡行返转, 呼吸下新鲜空气, 顺便食埋晚饭先走~入西贡, 好多人会食海鲜, 但我又唔系游客, 睇过d海鲜餐又唔系太抵食, 又贵又系食d普通嘢, 于是周围揾下食乜好? 之前行过好多唔同国家的地方餐厅, 但又好贵咁, 行下行下, 见到前面有个招牌系食牛扒, 又行去八下先, 竟然发现宝, 原本呢间餐厅已经开咗好耐, 而且价钱又合理, 虽然望入去只有一枱客人, 但唔理咁多, 一于入去试下~入到去黑忟忟, 非常有情调, 差不多只系靠每张枱的灯去照明, 我连睇menu都要放响灯下先睇到食乜? 见到menu除咗牛之外, 仲有鱼同羊, 虽然呢间应该系食牛扒出名, 但见到有羊食, 今次就先试下d羊系点先, 如果ok, 下次就食牛~呢度地方唔算大, 但就分咗做两层, 侍应就有两个, 唔知系打工定系老板? 不过两个都好有礼貌, 而且落单又慢慢每样问清楚要咩汁? 几多成熟等等, 连我地考虑紧两个羊餐配咩汁好时, 佢就推介就咁点薄荷酱~ 罗宋汤超浓超多料, 成碗料多过汤, 而且又唔辣, 只系热辣辣啫~ 牛油多士第一次响餐厅食多士, 系用生命面包,
入西贡, 好多人会食海鲜, 但我又唔系游客, 睇过d海鲜餐又唔系太抵食, 又贵又系食d普通嘢, 于是周围揾下食乜好? 之前行过好多唔同国家的地方餐厅, 但又好贵咁, 行下行下, 见到前面有个招牌系食牛扒, 又行去八下先, 竟然发现宝, 原本呢间餐厅已经开咗好耐, 而且价钱又合理, 虽然望入去只有一枱客人, 但唔理咁多, 一于入去试下~
入到去黑忟忟, 非常有情调, 差不多只系靠每张枱的灯去照明, 我连睇menu都要放响灯下先睇到食乜?
见到menu除咗牛之外, 仲有鱼同羊, 虽然呢间应该系食牛扒出名, 但见到有羊食, 今次就先试下d羊系点先, 如果ok, 下次就食牛~呢度地方唔算大, 但就分咗做两层, 侍应就有两个, 唔知系打工定系老板? 不过两个都好有礼貌, 而且落单又慢慢每样问清楚要咩汁? 几多成熟等等, 连我地考虑紧两个羊餐配咩汁好时, 佢就推介就咁点薄荷酱~
罗宋汤
超浓超多料, 成碗料多过汤, 而且又唔辣, 只系热辣辣啫~牛油多士
第一次响餐厅食多士, 系用生命面包, 搞到好似bbq咁, 好香好脆, 牛油又帮你查埋, 然后再一开二方便食 羊鞍餐配什菜+薯条
估都估唔到会有5旧羊鞍咁多, 仲要唔系细size先比咁多你, 绝对系你平时食开的餐厅还要大少少的size, 真系超级抵食, 而且我地叫7成, 真系啱啱好, 唔会过熟又唔会见血, 不过个边就肥咗少少, 但竟然唔膻, 通常羊的膻味都系响肥膏果度, 越肥就越膻, 但佢唔会lor~ 再点埋佢个薄荷酱食, 真系一流, 因为佢唔系用果酱果种, 而系用薄荷叶打碎果d, 好香, 同个羊好夹, 我开头仲以为系佢地自家制, 问起先知其实只系响超市买的, 仲比埋个样我睇, 又介绍其实有两种, 唔好买错tim~除咗羊多, 薯条都好多, 多到切羊时, 成日整到跌哂落枱~ d薯条系热辣辣, 脆卜卜的, 份量系出面食开的double~
至于什菜, 其实系粟米粒再加车厘茄/西兰花, 又系超多粟米~
羊西冷扒餐配什菜+薯条
恕我见识少, 真系未食过羊西冷, 通常只系知有牛西冷, 老公一见到, 即刻好兴奋话要试呢个, 因为佢又系未试过羊西冷~超级大块的羊西冷, 又有大半寸厚, 开头我仲以为好大厚肥膏响边位, 但原来唔系, 系一条筋, 但一d都唔难咬, 仲好似好爽咁~ 肉质好嫩, 肉味又够浓, 最重要系唔膻, 配埋个薄荷酱, 又系一流~
什菜同薯条一样咁多
冻柠水
冇乜特别, 不过就够大杯, 又唔驶加钱雪糕
是日雪糕有朱古力、云尼拿同蕃薯, 一听到蕃薯, 已经唔驶考虑, 就要呢个, 因为好耐冇食过, 而且唔系咁多地方有, 果然冇选错, 好香蕃薯味, 而且又唔会太甜 呢间餐厅真系令我有一个满足的生日, 真系好得, 样样都正, 我开头仲预计食唔哂, 因为见到份量咁劲, 可能个薄荷酱关系, 又或者两个扒都唔肥, 所以唔会济住, 全部KO哂, i'll be back, 一定要试齐佢其他款的扒至得~
张贴
