影片
更多
2019-01-11
76 浏览
收工得闲决定去又一城嘅Mad for Garlic， 一间主打蒜头嘅餐厅， 可能你会惊食完口有味但其实又唔会，等我讲下我哋𠮶晚食咗啲乜嘢啦！蒜香忌廉汁煮鲜活青口配法包片 (唔食得辣嘅朋友可以走辣）平时我都唔太钟意食青口钟意食蚝多啲， 一来因为大粒啲二来青口好难煮得好味。但呢度佢畀嘅青口分量好多同价格成正比，最重要既系够新鲜，再索埋啲蒜香忌廉汁，非常正正！法包正正常常，但食完青口用嚟点汁一流。热板烤香草美国肉眼扒配法式芝士薯蓉呢一味菜有大大粒蒜头喺隔离， 我谂除非系好钟意食蒜嘅人否则都唔会成粒食晒，所以我都系试咗少少， 蒜头吸收咗牛扒嘅油香，都唔错。牛扒我哋要咗七成熟， 价钱有返咁上下块扒质素都自然好 冇乜嘢位可以挑剔， 仲要有兜细细地嘅拉丝芝士薯蓉，个份量啱啱好！蓝芝士， 蜜糖 意大利薄饼钟意食芝士嘅朋友一定唔可以放过呢一个薄饼， 先唔好讲佢芝士味极浓厚， 重点系加上特别嘅蒜味蜜糖酱汁任你点， 甜得嚟又有芝士味，有芝士味之余又有蒜头味，不断冲击我嘅味蕾 ! 虽然块薄饼都有12吋但因为系薄批，所以都唔系话好饱好滞。4. 法式薄饼包自家制云呢拿雪糕及香蕉配柠香蒜糖浆（期间限定唷~）我觉
蒜香忌廉汁煮鲜活青口配法包片 (唔食得辣嘅朋友可以走辣）
平时我都唔太钟意食青口钟意食蚝多啲， 一来因为大粒啲二来青口好难煮得好味。
但呢度佢畀嘅青口分量好多同价格成正比，最重要既系够新鲜，再索埋啲蒜香忌廉汁，非常正正！法包正正常常，但食完青口用嚟点汁一流。
热板烤香草美国肉眼扒配法式芝士薯蓉
呢一味菜有大大粒蒜头喺隔离， 我谂除非系好钟意食蒜嘅人否则都唔会成粒食晒，所以我都系试咗少少， 蒜头吸收咗牛扒嘅油香，都唔错。
牛扒我哋要咗七成熟， 价钱有返咁上下块扒质素都自然好 冇乜嘢位可以挑剔， 仲要有兜细细地嘅拉丝芝士薯蓉，个份量啱啱好！
蓝芝士， 蜜糖 意大利薄饼
钟意食芝士嘅朋友一定唔可以放过呢一个薄饼， 先唔好讲佢芝士味极浓厚， 重点系加上特别嘅蒜味蜜糖酱汁任你点， 甜得嚟又有芝士味，有芝士味之余又有蒜头味，不断冲击我嘅味蕾 ! 虽然块薄饼都有12吋但因为系薄批，所以都唔系话好饱好滞。
4. 法式薄饼包自家制云呢拿雪糕及香蕉配柠香蒜糖浆（期间限定唷~）
我觉得呢个甜品最好味系佢个crépe， 同埋有趣系你食雪糕时会发现入面都有蒜头， 本身我对食就原粒蒜头，但食左一粒都觉得几好食
埋单大约每人三百七十蚊， 偶尔食餐好嘢都几好
张贴
