炙・宴 (利東街) (已改名) 查看

湾仔好多美食，呢间Lunch time 经常排满长长人龙，我通常都会晏多少少来，避一避人潮。因为我系湾仔附近工作，呢间餐厅已经食过好多次，而大部分时间我都会叫月见猪腩肉丼（拌生蛋黄）$82，无他，因为真系好好食！我好钟意生蛋黄捞饭，蛋味好香，而且加上有甜甜地嘅烧肉汁混合一齐食，令到普通嘅白饭味道更丰富。讲返主角嘅猪腩肉，好足料，铺满晒整碗饭，有好多块，肉质唔会太干，而且炭烧味好香。另外仲配有沙律前菜同面豉汤，呢个价钱我觉得系好抵食。