影片
更多
2018-12-15
1305 浏览
秋风起又系食蛇羹嘅日子， 每年呢啲日子，我哋一家又会去到康乐茶餐厅食蛇宴呢度麻雀虽小五脏俱全， 大约只容纳到两枱大 + 三枱小， 地方唔算大， 食蛇宴要预先一至两日订位（因为师傅要用鸡煮汤底）第一味上就系蛇羹， 材料足，汤底够鲜又好味，食完唔确喉，份量足够10人食两碗!再来就系羊腩煲，味道够浓又足料， 附送一碟唐生菜，另自备咗唐蒿菜，冇得输 豉汁蒸大鳝又系一个精髓， 又新鲜又肥又大碟， 整整有一条， 味道一流， 食多几旧都唔觉腻，正！然后系糯米饭， 炒得干身， 腊味同饭嘅比例不错食到咁上下，上埋个竹丝鸡炖蛇， 呢个汤真系冇得顶，我饮咗三大碗， 鲜味喺个口里面久久不散，必食！ 老板娘亲切又殷勤，满足的一晚！！！！如果唔想食餐，可以喺预订时同佢讲散叫， 预先同佢讲你想要食啲乜嘢， 畀时间师傅预备就可以了
呢度麻雀虽小五脏俱全， 大约只容纳到两枱大 + 三枱小， 地方唔算大， 食蛇宴要预先一至两日订位（因为师傅要用鸡煮汤底）
第一味上就系蛇羹， 材料足，汤底够鲜又好味，食完唔确喉，份量足够10人食两碗!
再来就系羊腩煲，味道够浓又足料， 附送一碟唐生菜，另自备咗唐蒿菜，冇得输
豉汁蒸大鳝又系一个精髓， 又新鲜又肥又大碟， 整整有一条， 味道一流， 食多几旧都唔觉腻，正！
然后系糯米饭， 炒得干身， 腊味同饭嘅比例不错
食到咁上下，上埋个竹丝鸡炖蛇， 呢个汤真系冇得顶，我饮咗三大碗， 鲜味喺个口里面久久不散，必食！
老板娘亲切又殷勤，满足的一晚！！！！
如果唔想食餐，可以喺预订时同佢讲散叫， 预先同佢讲你想要食啲乜嘢， 畀时间师傅预备就可以了
张贴
