禮品印度餐廳 (已結業)

豪食团今次去左一个劣评都冇既礼品, 太耐冇集会今次要食餐好既!叫左个四人餐, 个个都食到揽住个肚走 印度薯仔沙律材料有蕃茄, 青瓜, 薯仔, 洋葱, 仲加左印度香料钟意食香料既朋友就岩哂! 可以一试 胡椒饼好重胡椒味, 有两只酱比你点. 只系知其中一个应该系薄荷, 另一种就唔知道可能因为胡椒味太重, 我顶唔顺.. 不过其他团友就食得津津有味 鸡件第一样上既热食, 岩岩好四件可以一人一件 鸡件都几大旧, 放系铁板上烧到干身~因为本人平时食得好淡, 所以觉得佢咸左少少, 但都好味! 蒜香薄饼真系好好味! 有蒜香味又热, 点埋汁一流 咖哩羊肉羊肉煮到好'林', 唔苏, 唔痴牙, d 汁都整得好正! 可惜其中一个团友唔食羊, 真系浪费啊~~ 咖啡鸡虽然都系咖哩, 但系佢个汁都咖哩羊哥d 唔同, 都好味鸡都煮得唔错, 不过可能系冻鲜鸡, 鸡唔够滑, 整体都好味 辣牛肉唔系咖哩汁, 系辣汁, 我地只系叫左普通辣, 已经好辣 仲有更辣可以选择, 食完条脷有一种麻痺既感觉由于太辣, 所以唔太食到牛肉, 只系食到d 好'林' 既肉 随餐仲有两碟白饭同饮品个老板原本唔识中文, 宜家越识越多, 服务态度一流