太元樓

营业中

休息中

太元楼，一间新开张既京沪菜餐馆。今晚同朋友经过就入去试下！餐厅环境时尚干净，仲有大房可以一大班人食饭，岩哂过年过节啦！餐牌选择多而且款款都好吸引！我叫左生煎包，即叫即煎，外层卜卜脆，中间香嫩肉汁丰富，面包皮唔会太厚，吸哂肉汁！东北小云吞，云吞汤香甜，面粉皮薄馅料丰富，猪肉份量又够多！云吞好似我细个食果阵味，好正！牛油津白，香甜津白菜甜新鲜，朋友大赞！招牌海鲜炒饭，丰富海鲜好足料，炒饭干身唔油腻，咸香又够惹味！黄金馒头，炸到卜卜脆，外层金黄，沾上炼奶，香甜甜蜜，馒头香软唔会干身！葱爆牛肉是我地争食菜式，爆香牛肉非常滋味，酱油浓香牛肉非常滑溜，加上大量京葱爆香，香味突出！相信下次会带一家人去试下啦！