仁芝初

营业中

休息中

今日刚刚喺外国旅游返香港，真系超级挂住食香港嘅地道糖水，知道最近红磡开咗新分店，所以落机之后放低行李都即刻冲落嚟食。呢度啲甜品都好好味，而且食得出真系用爱去制造，好有人情味！呢到个小妹妹感觉好细个但好好礼貌，做嘢都好快手。朋友叫左冻嘅冰花炖蛋，我试左一口，非常滑，有蛋香味。而我就要左个古法养颜敦桃胶，入面有桃胶、桂圆、杞子、红枣，非常适合女仕们，而且热辣辣，超润喉。最后我哋两个都决定叫多一个冻嘅芒果椰汁紫米露share。紫米露唔会太甜，而芒果亦都保持到新鲜芒果应有嘅鲜甜味，唔系𠮶啲浸过糖水嘅死甜味。整体嚟讲都好满意，下次一定会再返嚟！