坡椰坡囉咪

营业中

休息中

最近朋友约我去湾仔食饭，一听个名已经觉得好特别，晚饭时间完全系坐满晒，我哋今日嚟到都要排一阵队，不过好快就有得入座。呢度餐牌都有好多选择，最后我哋叫咗几样嘢都超好食！首先就系呢度都有啲好吸引嘅套餐，我哋要咗炆牛肋骨煲套餐，牛肋骨真系炆得好腍，好入味。另外一个就要左福建虾汤面，呢到有得改面底做我最钟意嘅掺掺，一半米粉一半油面，更多variety更好食！汤底亦都好浓郁，啲虾又大只又新鲜，真系几好食。我哋都叫咗两样嘢大家一齐分享，就系马拉盏炒菜同虾饼。炒菜炒得好清脆，又唔会过油，加埋啲蒜香真系好惹味虾饼亦都炸得超级脆，加埋个酱汁食就最正！叫咗一个热嘅爆泡拉茶，觉得都几特别，真系超多泡泡，用嚟打卡几好。甜品就要咗一个斑斓千层糕，唔会太甜，作为饭后总结都唔错。