水門雞飯 (豉油街)

营业中

休息中

黎旺角食野真系好多选择，有时到真系唔知点拣，不过听讲食水门鸡饭真系必食之选。今日就想去试下，去到门口已经有人排队等位、我赶时间就打算买外卖返屋企食。当然主要一定要试下佢个鸡饭，鸡饭买到返屋企都有啲担心个鸡会变咗唔好食，不但冇呢个情况出现，仲比我意外惊喜，个鸡又香又滑，而且鸡味特别浓郁，配饭食真系好夹好好味。佢仲配埋个汤，加埋个汤嘅清香，成件事系好夹好正。我地3个人都系叫佢个鸡饭食，3个人都系赞口不绝嘅，大人小朋友都好啱食嘅鸡饭，果然每日都系咁多人帮衬。另外仲叫左个泰式无骨猪手，一碟份量都几多，打开个盒好香，无骨好方便食，真系啖啖肉，猪手好滑好淋，一啲都唔会鞋，而且个味道系刚刚好，唔会太咸，送饭一流。