不二江湖菜

营业中

休息中

新开川菜，味道几正宗，价钱唔贵，抵食！可以任食白饭😂夫妻肺片 $68经典四川开胃凉菜，份量ok，味道唔错，麻、辣、鲜、香俱备，牛舌及牛肚最好食，底下仲有青瓜粒。花椒鸡 $128好大盆，有蜡烛热住，要咗小辣，食落好够味，鸡肉嫩滑，有花椒香味，少麻，再加上辣味，好正。另外，仲有莲藕粒，好爽脆！惹味之余又唔太油，好味！不二沸腾鱼 $168鱼肉好嫩滑，冇细刺，唔会粉，食得出几新鲜，而且鱼肉份量都几多！配料仲有豆芽、莴笋片，吸晒啲汁，都唔错～鸭屎香柠檬茶 $32鸭屎香茶叶拥有独特的花香与果香，再加上清新的柠檬，比普通柠檬茶好饮好多百香果梳打 $28百香果味浓郁，加上梳打，好解渴～