金牌小龍 (已結業)

以 $49 一位既 coupon 到来试试，我地俩人大约下午 2 点到达，可能过左午饭时间，无几台客，地方非常整洁舒适，待应都好礼貌。四喜烤夫（凉食），平时自己都有买烤夫做菜，烤夫本身无味，需要靠调味料，呢个味道非常浓味，但唔会太咸。凉拌蒿笋丝，爽而清，唔错呀！金牌小笼包，我时不时都有食小笼包，但有些食肆既小笼包内猪肉有雪味，我最怕，有些外皮做得唔好太硬，但呢度既肉无雪味，而且外皮全只软硬适中。台式担担捞面，味浓得来好好味，面条软硬适中，但可借太咸，我自己就实在食唔落，于是就手倒左些茶落去捞埋食，呀！又好好呀㖞！:。台式炸酱拌面，一样都系味浓好味。总结呢度既食物系做得好好味，值得推荐！